İnternet həyatımızın vazgeçilməz bir hissəsinə çevrildiyi günlərdə dövlətlər və təşkilatlar şəxsi məlumatların qorunması üçün ciddi tədbirlər görürlər. Bloomberg-in yayımladığı xəbərə görə, Londonda yaşayan 12 yaşlı bir qız, TikToku Avropa Birliyinin ciddi məlumatların qorunması qaydalarını pozduğu üçün məhkəməyə verib.

TikTok-a qarşı qaldırılan işin səbəbi şəxsi məlumatlardır!

Məhkəmə prosesi davam edərkən, uşağın kimliyini gizlətməyə qərar verildi. Məxfilik qərarını verən hakim, bunun " uşaqların məlumatların qorunması hüquqlarını müdafiə etmək istəklərini etməsinə mane ola bilər " deyib.

Məhkəmə prosesləri zamanı İngiltərənin Uşaq Komissarı Anne Longfield uşağı təmsil edəcək. TikTok-da digər uşaqlar və istifadəçilər tərəfindən onlayn zorakılıq və ya sosial media fenomenlərindən mənfi reaksiyalarla qarşılaşma ehtimalı, məxfilik qərarının verilməsində ən vacib amillərdən biridir.

Maraqlısı odur ki TikTok-un şərtlərinə görə tətbiqetmədən istifadə etmək üçün yaşınız minimum 13 olmalıdır . Buna görə texniki olaraq iddia qaldıran qızın TikTok istifadə etməsi qanunsuzdur, bu detalın məhkəmə prosesinə necə təsir edəcəyi olduqca maraqlıdır.

Bunu da nəzərə çatdırmaq lazımdır ki 2020-ci ilin sonu etibarı ilə TikTok-un 800 milyondan çox aktiv istifadəçisi var.

Mirsəid Mirzəzadə