Startapın ilkin mərhələsində hər kəsin bilməli olduğu şey marketinq və satış arasındakı fərqdir.Satış və marketinq biri digərinin ardınca işləyir, müəyyən vaxtdan sonra birlikdə davam edir. Satışın sonunda əhatəniz dar və dərindir. Marketinqin sonunda isə geniş və dayaz. Və erkən bir başlanğıc üçün dar və dərin startapın istədiyidir, siz bazarda yenisiniz və sizin məhsul hər kəs tərəfindən tanınmır. Bu şəraitdə edə biləcəyimiz fokuslanacağımız kütləni müəyyən etməkdir. Əgər qısa bir ön izah versək marketinq satışın daha geniş formasıdır və bizə məhsulumuza laqeyd qalacaq yox, birbaşa onunla maraqlanacaq kütlə lazımdır. Məhz buna görə satışa üz tuturuq.

Gəlin bir nümunəylə başlayaq. Uğurlu startapların hədəf kütləsi həmişə daha dar olub. Məsələn, Facebook Harvard Universitetinin tələbələriylə başlayıb,çünki onsuz da tələbələr belə bir platformanı həqiqətən istəyirdilər. Startapların böyük auditoriyaya çıxış imkanları olmur deyə, ilk öncə ən maraqlı qrupla başlayırlar. Bu müddət ərzində məhsulun ilkin istifadəçiləri bizə bazar araşdırması etməyə kömək edir. İşlədiyimiz kütlə vasitəsiylə müştəri zövqünü, məhsuldakı çatışmazlıqları müəyyən edə bilirik.  Hər “feedback” daha yaxşı məhsul mənasına gəlir.

Yeni başlayanlar üçün “marketinq”  okeanda yönünü itirmiş gəmiyə bənzəyəcək.

Çox tez-tez rastlaşdığımız bir problem isə startapçı məhsulu hazırlayır, əlavə müştəri yığmamaqla yanaşı, heç mövcud olanların rəylərını qəbul etmir və bu da öz növbəsidə rəqabətdə uduzmağa gətirib çıxarır.

Bəs niyə bütün yeni biznesmenlər satışla başlamır? Belə deyək, satış bir növ sənin hələ yeni olduğunu müəyyən müştəri qrupunun olmadığını açıq şəkildə üzünə vurur. Bütün ilk satışlar çətindir, lakin zəruridir. Təcrübəmdən deyə bilərəm ki, xüsusilə satış əgər bir şirkətlədirsə nümayəndə sizə məhsullunuzun uyğunsuzluğu deyə bilər, amma satış iclasında elə siz xidmətin və ya məhsulun onlara uyğunluğunu göstərə bilərsiniz.Satış belədir, bir məhsulu satmağa gedərsən bir də baxarsan şirkətinin digər xidmətlərini də satıb qayıdıbsan.

Bəs biz necə biləcəyik bizim hər satışımız uğurludur? Öncəliklə müştəri sayına yox hər satışdan sonrakı böyümə dərəcəsinə baxacağıq. 50 istifadəçimiz varsa və satışdan sonra 10% böyümə bu 55 olacaq. Bu rəqəm az görünə bilər, amma bir neçə dəfədən sonra ümumi say heyrətamiz olacaqdır.

Nəticə olaraq əmin olmalıyıq ki, biz həqiqətən yaxşı məhsul hazırlamışıq, bazara çıxmağa hazırıq və istifadəçiləri birbaşa fərdi yanaşmayla tapmışıq. Buna görə satış və marketinqdə hansına nə vaxt başlamağa diqqət yetirmək yalnız istifadəçilər üçün yox, həmçinin bizim startapın dayanıqlı olması üçündür.

Və sonda siz, bu məqalədən sonra ümid edirəm satış və marketinq əlaqəsinin harda, necə başladığını bildiniz. Elə sizə satışdan “ballı əməkdaşlar” arzu edirəm.

Rəy yaz

Rəyinizi yazın
Adınızı daxil edin